ماركتينج تسويق اعلانات Google Ads

ما هو الفرق بين ROI ولا ROAS ؟ و ايهما افضل للعمل به ؟


Mohammed Halim Marketer
@Halim | تم تعديله 13 Feb. 2020


ال ROAS باختصار انت صرفت كام و جالك كام

ال ROI بقى انت جالك كام بعد ما دفعت كل تكاليف المنتج من شحن و دومين و ويب سايت و مرتبات الموظفين و الخ عشان كدة الهدف الاول من حساب ال ROI هو عشان تحدد الكامبين دي تستاهل اصرف عليها ولا لا


Mohammed Halim Marketer
@Halim | تمت إضافته 13 Feb. 2020


ال ROI بنستخدمها في الاول عشان نقيس مدى نجاح الكامبين اللي عملناها اوفلاين زي كامبين استعملت على التليفزيون أو الراديو و بتستخدم من قبل عصر الديجيتال ماركيتنج و مع عصر الديجيتال ماركيتنج بدأنا نستخدم ال ROAS
و على الرغم أن الاتنين متشابهين  لكن الاتنين في فرق شاسع بينهم في مقدار الفلوس اللي تقدر توفرها لما تستخدم واحدة منهم
طيب  الحين بردو استخدم انهي واحدة فيهم ؟
تعالى واحدة واحدة نفهم كل واحدة فيهم .

-الROAS
دي ال average return on your all advertising spend
والمقصود بها  المكسب اللي العائد عندما  تصرف مبلغ ما على كل إعلاناتك
-طب ودا هنحسبه ازاي ؟

هقولك دلوقتي الحسبة بتاعت ال ROAS
بسيطة خالص و هي Revenue/Expenses
- مش فاهم بردو ؟؟
لنفترض دلوقتي عندك e commerce store و بتبيع عليه منتج ما و كنت عاوز تزود الترافيك علىه فقررت انك تستخدم Google AdWords و بعد كام كامبين اتعملوا و خلصوا لقيت الترافيك زاد فعلا بشكل ملحوظ بس لسة مش قادر تحدد الكامبين دي نجحت و لا لا و جابت مردودها ولا لا
فنقول مثلا الكامبين دي جابتلك ارباح ١٢٠٠٠ الف جنية في الشهر ، و هنقول بردو انك صرفت ٣٥٠٠ على Google AdWords يبقى كدة بالحسبة بتاعت الROAS اللي قولنا عليها فوق  ١٢٠٠٠/٣٥٠٠ يساوي ٣.٤٢

-طب الرقم اللي طلع دة معناه اية ؟
 معنى كدة أن كل جنية انت صرفته جابلك ربح ٣.٤٢ جنية و دة رقم مش وحش و انت بستخدم channel واحدة بس
-طيب حلو اية الROI بقى ؟

 الاول نفهم الفرق الجوهري بين ال ROAS و ال ROI

ال ROAS باختصار انت صرفت كام و جالك كام

ال ROI بقى انت جالك كام بعد ما دفعت كل تكاليف المنتج من شحن و دومين و ويب سايت و مرتبات الموظفين و الخ عشان كدة الهدف الاول من حساب ال ROI هو عشان تحدد الكامبين دي تستاهل اصرف عليها ولا لا

-طب احسب ازاي ال ROI ؟
زي ما قولتلك أن ال ROAS ليها معادلة بردو ال ROI ليها معادلة و حسبة و هي
((Turnover ×margin rate)-expenses/expenses)×100
و لو رجعنا لنفس المثال اللي فوق و هنقول مثلا أن ال margin rate كان٢٠٪ يبقى هنا ال ROI هيكون كالتالي
((١٢٠٠٠×٠.٢)-٣٥٠٠/٣٥٠٠)×١٠٠
هيطلع معانا ب -٣١.٤٢٪

و هنا هتلاقي أن الرقم طلع بالسالب عكس ال ROAS اللى طلعناه على أساس المبيعات والربح عكس ال ROI اللي حسبنا كمان فيه ال margin rate
يبقى كدة بحسبة ال ROI الموضوع دة خسران و مش هينفع نشتغل فيه

-طب ما بردو انا احترت اشتغل بانهي metric فيهم ؟؟
يا سيدي ال ROI حلو بس مش مؤثر اوي في ال ديجيتال ماركيتنج هو كويس اوي في الاوفلاين أو الديجيتال لو انت شغال in-house
لكن ال ROAS مش مجرد بيخيلك تحسب الربح المتوقع كام ليك لا بالعكس بيساعدك اكتر عشان تقدر تلعب باكتر. من تكنيك عشان تزود مبيعاتك أو تكسب عملاء جداد لسنين قدام و بالذات لو انت شغال في agency و معاك اكتر من كلاينت و مش عامل لينك مع الاوفلاين ماركتينج تيم عند الكلاينت